Një video e çuditshme po qarkullon nëpër internet. Aty shihet momenti kur Dritan Abazoviq mendohet nëse duhet ta merr një gotë me verë, por në momentin e fundit ndërron mendje dhe heq dorë nga kjo ide.
Reagimi i tij nxiti të qeshura dhe videoja u bë virale, ndërsa arsyeja se pse hoqi dori nuk dihet, e përdoruesit e rrjeteve sociale kanë filluar të hamendësojnë.
Videoja është realizuar gjatë ahengut të organizuar me rastin e fitores së Jakov Milatoviqit për president të Malit të Zi.
Në shtabin e Milatoviqit në ato momente po festohej, derisa në prapavijë zbuloheshin shifrat e rezultateve nga raundi i dytë.
