Telegram ngushëllimi
Të nderuara familje Aliji dhe Bejni,
Të nderuar gostivaras,
Me dhimbje të thellë e mora lajmin për humbjen e më të dashurve tuaj, tashmë të ndjerë Arlinda Bejni dhe Bekim Aliji.
Tragjedia që ndodhi mbrëmë do të jetë e paharrueshme! Ikja e viktimave la nje zbrastirë të madhe në familjet e tyre por edhe në qytetin tonë!
Vepra heroike e të ndjerit Bekim Aliji duhet çmuar lartë, pasi ai sakrifikoi jetën e tij, për të shpëtuar jetën e vajzës së re!
Në emrin tim si dhe ne emër të të gjithë administratës komunale të Gostivarit, shpreh ngushëllime familjarëve dhe miqëve të të ndjerëve!
Raste të tilla mos u përsëritshin kurrë!
Me dhimbje të thellë,
Arben Taravari
