Takim me gazetarët në “Krivollak” për stërvitjen e ardhshme “Swift Response 22”

Sot në poligonin ushtarak, Krivollak do të mbahet një konferencë për stërvitjen “Swift Response 22”, e cila do të fillojë këtë fundjavë dhe që është stërvitja më e madhe e realizuar ndonjëherë në vend.

“Stërvitja është e një rëndësie të veçantë për Ushtrinë tonë në drejtim të shkëmbimit të njohurive, aftësive, eksperiencave dhe rritjes së ndërveprueshmërit për të punuar së bashku me Forcat e Armatosura Aleate në kryerjen e këtij lloj operacioni, si dhe demonstrimin e aftësive të Poligonit Ushtarak “Krivollak” për kryerjen e këtyre ushtrimeve”, njofton Ministria e Mbrojtjes.

Siç theksojnë ata, në konferencë do të prezantohen të gjitha mundësitë për pasqyrim mediatik të stërvitjes, ndërsa mediat do të informohen më në detaje për qëllimin dhe pjesëmarrësit e stërvitjes.

Pas konferencës, ministrja e Mbrojtjes Slavjanka Petrovska dhe ambasadorja e Mbretërisë së Bashkuar Rachel Galloway do të japin deklarata për media.