Nënshkrimi i ri i Liverpoolit, Dominik Szoboszlai e ka pranuar se ka folur me ish-bashkëlojtarin e tij te RB Salzburg, Erling Haaland për jetën në Angli dhe ky i fundit së bashku me Peter Gulasci si duket e kanë ndihmuar të vendos për t’u transferuar në Anfielf.
Haaland u largua nga RB Salzburg për të Borussia Dortmund, ndërsa verën e fundit kaloi te Manchester City, duke i ndihmuar ata të fitojnë tre trofetë në sezonin 2022/23.
“Ne kemi biseduar aq shumë saqë Erling Haaland ka këshilluar edhe për gjetjen e shtëpisë, dhe fare mirë mund të bëhemi fqinjë”, ka thënë fillimisht Szoboszlai për Nemzeti Sport.
“Mësova prej tij se disa lojtarë jetojnë në gjysmë të rrugës mes Mançesterit dhe Liverpoolit në një zonë të qetë ku mund të ruhet privatësia dhe do të shoh se për çfarë po fliste, jam shumë kurioz”.
“Dhe sigurisht, duke lënë mënjanë miqësinë tonë, gjatë ndeshjeve Liverpool-Manchester City, me siguri do të jetë një përvojë fantastike të luajmë kundër njëri-tjetrit”.
Szoboszlai gjithashtu foli me portierin e RB Leipzig, Peter Gulacsi, i cili është një ish-lojtar i Liverpoolit.
“Kam folur me të më parë dhe ai e di se si është marrëdhënia jonë. Ai ishte atje në Leipzig kur arrita, u bëra lojtar i klubit dhe mund të llogarisja në mbështetjen e tij që në momentin e parë”.
“Ai ishte një bashkëlojtar shumë i mirë i imi dhe shpresoj që ai e kapërceu dëmtimin e tij dhe do të ketë një tjetër ndeshje të Ligës së Kampionëve mes Liverpoolit dhe RB Leipzig ku ai mund të përpiqet të më shpëtojë nga gjuajtja e lirë!”, përfundoi hungarezi.
