Sulmi në bazën amerikane, Shqipëria nuk ka ushtarë në Irak

Ministria e Mbrojtjes e Shqipërisë ka njoftuar se Forcat e saj të Armatosura nuk kanë efektivë në Irak.

Njoftimi u përcoll nga Ora News pas sulmit nga ana e Iranit në dy baza amerikane në Irak.

Trupat amerikane në Irak u goditën nga disa raketa balistike dhe kjo u konfirmua edhe nga Departamenti i Mbrojtjes të SHBA.

Televizioni shtetëror iranian tha se sulmi është një hakmarrje pasi komandanti i lartë i vendit Qasem Soleimani u vra në një sulm me dron në Bagdad, me urdhër të presidentit amerikan Donald Trump.