Rrjetet sociale janë platforma të rëndësishme të promovimit e sidomos për artistët, por reperi shqiptar, Stresi ka marr një vendim për t’u larguar nga njëri prej tyre.
Rap-artisti nga Shqipëria ka njoftuar fansat se ka marr vendim që të largohet përfundimisht nga platforma e TikTok-ut.
Kështu ka bërë të ditur reperi përmes një postimi në llogarinë e tij në Instagram duke thënë se faqja e tij do të menaxhohet nga dikush tjetër.
Arkimed Lushaj (emri i vërtetë) më pas njoftimin e ka shoqëruar edhe me videon e fshirjes së aplikacionit nga telefoni i tij.
Ndërkohë, aktualisht Stresi është në përgatitje të një bashkëpunimit me reperin tjetër, Noizy.
Dyshja ka kohë që kanë paralajmëruar duetin e shumëpritur ndërsa së fundmi zbuluan se kanë nisur xhirimet e tij.
Ndryshe, kujtojmë që Stresi u shpall fitues i edicionit të parë të Big Brother VIP Kosova. /Telegrafi/
