Shefi i NATO-s, Jens Stoltenberg, e ka përshkruar luftën në Ukrainë si “kriza më serioze e sigurisë në një gjeneratë”.
Para nisjes së samitit, Stoltenberg tha se presidenti i Ukrainës, Zelensky do t’u drejtohet sot liderëve të NATO-s. Ai theksoi nevojën që anëtarët e aleancës ta trajtojnë krizën së bashku.
Aleatët do të duhet të bëjnë më shumë, tha Stoltenberg, duke shtuar se pret që liderët e NATO-s të bien dakord “për të përshpejtuar investimet në mbrojtje”.
“Takimi i sotëm do të tregojë rëndësinë e Amerikës së Veriut dhe Evropës që të qëndrojnë së bashku përballë kësaj krzie”, ka shtuar Stoltenberg, transmeton Klankosova.tv.
