Këngëtarja shqiptare me famë botërore, Bebe Rexha, duket se i ka dhënë përfundimisht lidhjes me drejtorin e fotografisë, Keyan Safyari.
Dyshimet lindën kur javën e kaluar, ajo shpërndau në InstaStory një mesazh të shkruar nga i dashuri i saj në InstaDirect, i cili e kritikonte atë për peshën.
Nga mesazhi u la të kuptohet se mes dyshes kishte mbaruar gjithçka, ani pse situata nuk ishte krejt e qartë.
Sido që të jetë, rrjetet sociale në ditët e sotme janë bërë një mjet konfirmimi për gjërat kur nuk shkojnë mirë mes çifteve,.
E një gjë e tillë duket se po ndodh edhe me interpretuesen e hitit “I’m Good (Blue)”, e cila e ka larguar nga të gjitha rrjetet sociale kinematografin amerikan.
Edhe Keyan gjithashtu nuk e ndjek artisten shqiptare në listën e personave që ndjek në llogarinë e tij zyrtare në Instagram.
Këto elemente flasin shumë dhe konfirmojnë mesa duket se çifti tashmë janë një “ish” dhe se i kanë ndarë rrugët mes vete.
Rexha ndërkohë që nga ajo ditë kur ndau me ndjekësit mesazhin e të dashurit, nuk është lajmëruar më në rrjetet sociale për të publikuar ndonjë video apo fotografi – pasi duket se ka preferuar të qëndrojë e qetë.
