Camila Cabello ishte mishërimi i elegancës në një fustan të zi me material saten që të binte në sy me një prerje të dukshme përgjatë bustit, ndërsa mbërriti në Premios Juventud Awards 2023 në San Juan, Puerto Rico të enjten në mbrëmje.
Teksa parakaloi në tapetin e kuq me një palë taka, e nominuara katër herë për çmimin “Grammy”, 26 vjeçe, kishte një vështrim të ndezur dhe buzëqeshje teksa fotografohej nga fotoreporterët, shkruan DailyMail.
Flokët e saj të gjata brune kaluan nëpër supet e saj në valëzim, ndërsa ajo mori pjesë në shfaqjen e çmimeve për personazhet e famshëm spanjisht-folës në fushën e filmit, muzikës, sportit, modës dhe kulturës pop, të paraqitur nga Univision.
Në Instagram, këngëtarja e hitit “Senorita” zbuloi se fustani i saj i gjatë ishte dizajnuar nga “The Attico”.
Ndërkohë, flokët e saj ishin rregulluar nga parukeri Dimitris Giannetos dhe makijazhi nga Patrick Ta.
Stilistët e modës Rob Zangardi dhe Mariel Haenn u vlerësuan për dizajnimin e dukjes së saj për natën.
Ajo u nderua me çmimin “Agjenti/ja i/e ndryshimit” gjatë shfaqjes, e cila u mbajt në ‘Coliseo de Puerto Rico José Miguel Agrelot’.
Sipas American Songwriter, ky vlerësim “është në njohjen e përkushtimit të saj për të përmirësuar jetën e të rinjve në mbarë botën”.
Që kur u bë e famshme si anëtare e Fifth Harmony, përpara se të niste karrierën solo në vitin 2017, interpretuesja ka përdorur zërin e saj për të mbrojtur barazinë gjinore dhe për të mbrojtur komunitetin LGBTQ+, si dhe për të rritur ndërgjegjësimin për organizatat bamirëse si: This Is About Humanity, Women of Worth, Global Citizen, Save the Children, etj.
Pas njoftimit se ajo do të merrte këtë çmim, Cabello tha në një deklaratë për shtyp: “Jam e nderuar dhe jashtëzakonisht e emocionuar që marr këtë njohje të nderuar”.
Për më tepër, ajo mori nominimet për çmimet “Albumi më i mirë Pop”, “Artistja më e mirë” dhe “Kënga më e mirë e zhanrit pop”.
