Shtëpia e parë pa taksë komunale? ASH kërkon lehtësim 100% për çiftet e reja në Çair!

Këshilltarët e Aleancës për Shqiptarët në Çair, Nagip Brava dhe Arlinda Imeri Shllaku, kanë propozuar lirimin e plotë nga detyrimet komunale për çiftet deri në 40 vjeç që ndërtojnë ose blejnë shtëpinë e tyre të parë.

Iniciativa synon të ulë barrën financiare dhe t’u krijojë të rinjve kushte më të favorshme për sigurimin e banesës.

Këshilltarët e ASH-së i bëjnë thirrje kryetarit të komunës dhe shumicës në Këshillin Komunal që ta përfshijnë propozimin në rend dite dhe ta mbështesin zbatimin e tij.

“Mbështetja për të rinjtë duhet të dëshmohet me masa konkrete ekonomike, jo vetëm me premtime”, është mesazhi i iniciativës.