Shqetësime te Holanda para ndeshjes me Anglinë? Koeman tregon çfarë po ndodh

Trajneri i Holandës, Ronald Koeman, ka këmbëngulur se nuk ka shqetësime rreth fitnesit për skuadrën e tij përpara ndeshjes së tyre gjysmëfinale kundër Anglisë.

Tulipanët mundën Turqinë 2-1 në 90 minuta të shtunën mbrëma, ndërsa Anglisë së Gareth Southgate iu deshën 120 minuta dhe penalltitë për të mposhtur Zvicrën.

Por, Koeman beson se koha midis ndeshjeve nuk bën shumë ndryshim, veçanërisht pasi të dyja ekipet luajtën në të njëjtën ditë dhe la të kuptohet se Anglia mund të jetë më keq se skuadra e tij për shkak të lojës rraskapitëse që luajtën vetëm pesë ditë më parë.

“Jo, nuk ka ndonjë ndryshim të madh. Sigurisht, ne kishim më pak ditë për t’u përgatitur për ndeshjen, por nuk patëm kohë shtesë siç kishte Anglia”, deklaroi Koeman për UEFA.com.

“Fizikisht, ekipi është me të vërtetë i fortë. Ne jemi të mprehtë, jemi të koncentruar dhe mezi presim të bëjmë një lojë të mirë”.

 

Në paraqitjen e tyre kundër Turqisë, Koeman hodhi poshtë sugjerimet se skuadra e tij ishte me fat që kalojë tutje, pavarësisht nga një numër bllokimesh dhe pritjesh të fundit nga portieri Bart Verbruggen.

“Ne fituam dhe ishte një fitore e merituar. Luajtëm një pjesë të dytë të shkëlqyer dhe luftuam deri në sekondën e fundit,” shtoi ai. “Ishte një periudhë e vështirë në ndeshje, por ne treguam shumë karakter dhe pasion për të mbajtur rezultatin 2-1”.