Sipas Ndërmarrjes Publike „Pyjet Kombëtare“, deri në fund të korrikut janë regjistruar 138 zjarre në zona pyjore, me dëme mbi 4 milionë euro. Zjarret vazhduan edhe gjatë gushtit dhe shtatorit, ndërsa dëmet përfundimtare ende nuk janë llogaritur.
Zëvendësdrejtori i ndërmarrjes, Kire Mihailov, tha se numri i zjarreve deri në shtator mund të arrijë rreth 150, ndërsa vetëm deri në korrik dëmet kishin kaluar 4 milionë euro.
Deri në fund të gushtit, mbi 30 persona janë ndaluar nën dyshimin për zjarrvënie të qëllimshme. Procedurat ndaj tyre janë ende në vijim.
Sipas Entit Shtetëror të Revizionit, vetëm gjatë viteve 2023–2025 janë djegur mbi 82 mijë hektarë tokë dhe më shumë se 914 mijë metra kub dru, me dëme të vlerësuara në rreth 133 milionë euro. Viti 2024 ishte më i rëndi, me dëme mbi 83 milionë euro.
