Kryetari i Aleancës për Shqiptarët (ASH), Ziadin Sela, ka zhvilluar sot në Prishtinë një takim me kryetarin e Partisë Demokratike të Kosovës (PDK), Melmi Krasniqi, shkruan gazeta LAJM. Gjatë qendrimit në Kosovë, Sela dhe delegacioni i tij, pritet të takohen edhe me presidenten kosovare, Vjosa Osmani dhe kryeministrin Albin Kurti.
“Sot, bashkë me sekretarin gjeneral, Arben Taravari dhe kordinatoren e grupit parlamentar të Aleancës për Shqiptarët, Ilire Dauti patëm nderin të takojmë Kryetarin e Partisë Demokratike të Kosovës, z.Memli Krasniqi, me të cilin diskutuam çështjet jetike që tangojnë shqiptarët e Republikës së Kosovës dhe Maqedonisë së Veriut!
Sfidat me të cilat përballen vendet tona, qytetarët dhe perspektiva e tyre, mbeten shqetësimi parësorë i subjekteve tona politike.
Në këtë takim, mjaft të rëndësishëm u theksua edhe rëndësia për forcimin e komunikimit dhe bashkëpunimit jo vetëm mes subjekteve politike, por edhe mes dy vendeve tona.
Projektet e përbashkëta, lidhja infrastrukturore, shkëmbimi dhe zhvillimi ekonomik dhe integrimi euro-atlantik mbeten përcaktimi strategjik i joni dhe qytetarëve që përfaqësojmë”, thuhet në njoftimin që ka bërë Sela në Facebook./Gazeta LAJM
