Presidenti ukrainas Volodymyr Zelensky gjatë fjalimit të tij në samitin e NATO-s në Vilnius, u shpreh në gjuhën e tij se Ukraina do të jetë gjithmonë një kontribuese për sigurinë e përbashkët, teksa i quajti lajme pozitive paketat e reja të mbështetjes së mbrojtjes.
Në një konferencë të përbashkët me Stoltenberg, ai tha se është mirënjohës ndaj liderëve që ndihmuan me paketën dhe në thjeshtimin e procesit të anëtarësimit në NATO të Ukrainës. Zelensky shton se ushtarët ukrainas kanë dëshmuar se demokracia është më e fortë se sulmet terroriste nga Rusia.
Zelensky gjithashtu ka vlerësuar rezultatet e samitit të deritanishëm, por vazhdon duke thënë se marrja e një ftese për anëtarësim në NATO, e cila nuk është ende zyrtarisht në tryezë, do të ishte rezultati ideal.
Zelensky tha se është i vetëdijshëm se disa njerëz kanë “frikë” të flasin për anëtarësimin e Ukrainës në NATO, sepse “askush nuk është i gatshëm të ketë një luftë botërore”. Presidenti i Ukrainës pranon se vendi i tij nuk mund të jetë anëtar i aleancës ndërkohë që një luftë po zhvillohet brenda kufirit të saj.
I pyetur nëse aleatët kanë bërë mjaftueshëm për të treguar mbështetje për anëtarësimin e Ukrainës në NATO, ai tha se aleanca ka dhënë një sinjal Ukraina do të jetë një shtet i pavarur.
Top Channel
