Ronela Hajati është kapur nga policia pa maskë gjatë një interviste të drejtpërdrejtë.
Ronela Hajati është ndaluar nga policia teksa ishte në një intervistë të drejtpërdrejtë me telefon, shkruan lajmi.net.
Ajo dëgjohej teksa i tha policisë “A mund ta mbaroj këtë intervistën se jemi LIVE, do iki direkt”.
Nuk dihet nëse këngëtarja ka marrë ndonjë gjobë për mos mbajtje maske, përdorim telefoni apo ndonjë shkelje tjetër që mund të ketë bërë në ato momente.
Ajo tregoi gjatë intervistës se e ëma nuk i ka folur për 6 muaj, për shkak të performancës së saj në Kënga Magjike. Ndërsa gjithashtu, ajo tha se pas 10 vitesh e sheh veten të kompletuar, me familje, drejtoreshë ose dhe avokate.
“Mund ta shoh veten në gjithçka, por vetëm të kem shëndet në radhë të parë”, u shpreh këngëtarja.
