Rita Ora është gati për spekatklin e talentëve.
Artistja shqiptare me famë botërore, Rita Ora, do të shfaqet në jurinë e spekatklit “The Voice of Australia”, shkruan lajmi.net.
Ajo është përzgjedhur të jetë pjesë e jurisë këtë vit bashkë me Keith Urban, Jessica Mauboy dhe Guy Sebastian.
Pasi qëndroi 14 ditë e izoluar në një hotel luksoz në Australi, Rita i është kthyer punës në këtë spektakël.
Këngëtarja bashkë me gjithë ekipin kanë nisur xhirimet e spektaklit, ndërsa Rita zgjodhi të vishet plot shkëlqim.
Në fotografitë që po qarkullojnë në rrjete sociale, Rita shihet e veshur me një fustan blu, i cili ia theksonte linjat trupore.
Paraqitja e Ritës në këtë spektakël u përcoll me kritika të mëdha, kjo ngase artistja u kritikua ashpër që theu rregullat anti-COVID dy herë.
Rita në Australi po shoqërohet nga motra e saj Elena, e cila sot publikoi fotografi atraktive pranë Ritës. /Lajmi.net/