Reçica ka thënë se Kurti tani po paraqitet ndryshe për dallim gjatë 10 vjeçarit të kaluar.
Ai ka kërkuar nga qytetarët që të vlerësojnë se cili është Kurti i vërtetë.
“E patë një ekspoze 30 minutësh në këtë foltore ku Kurti tha shumë gjëra që nuk i kemi dëgjuar kurrë.Kujt t’i besojmë Albin Kurtit që foli 20 minuta apo Kurtit që ka fol gati 10 vite rresht këtu, ju qytetarë ata të cilët e keni votuar dhe ata të cilët keni bërë ndryshe, ju duhet të gjykoni se cili është Kurti i vërtet”, ka deklaruar Reçica, raporton lajmi.net.
Ai ka shtuar se koalicioni VV-LDK nuk garanton fuqizim për shtetin e Kosovës.
“Ky koalicion nuk kanë pasur për qëllim zgjedhjen e prioriteteve por qëllimi i tyre i vetëm është që të gllabrojnë pushtet sa më shumë për vete, nuk garanton fuqizimin dhe përmbylljen e shtetësisë së Kosovës. Nuk mund të garantojë të përmbyll suksesshëm dialogun Kosovë-Serbi e asnjë proces tjetër. Nuk mund të jetë qeveri e shpresës një koalicion që ka fituar përmes kauzave të pavërteta dhe premtimeve të rreme. Këta kanë vetëm aspirata për pushtet dhe jo përgjegjësi për shtet”, ka thënë deputeti i PDK-së.