Kriza e lëndimeve të Barcelonës vetëm sa po përkeqësohet dhe fakti që El Clasico po afrohet me të vërtetë e sjell atë në fokus.
Atyre u mungojnë lojtarë të rëndësishëm në të gjithë ekipin, dhe shumë prej tyre tashmë janë përjashtuar për ndeshjen e madhe. Por, ai që ka ndërmend të kthehet është Raphinha.
Sulmuesi anësor pësoi një lëndim në këmbë në ndeshjen kundër Sevillas dhe nuk ka luajtur që atëherë, por tani ai është në një garë me kohën për t’u përgatitur për ndeshjen e datës 28 tetor.
“El Clasico? Ende nuk e di. Unë dua të jem atje”, citohet të ketë thënë Raphinha për gazetën Sport.
Barcelona do të jetë e etur për ta rikthyer atë pasi përpiqet të mbajë ritmin me Real Madridin në krye të La Ligës.
Stili i ngadaltë dhe i qëndrueshëm i Xavit u siguroi atyre një titull sezonin e kaluar, por këtë sezon ka pasur shumë lëndime dhe vendimtar janë treguar disa lojtarë të rinj.
Raphinha nuk ka qenë aspak vendimtar këtë sezon, por prania e tij do të jetë e rëndësishme për Barcelonën.
