Nga largimi i mundshëm te vazhdimi i kontratës.
Neymar duket se ka ndryshuar mendjen rreth të ardhmes së tij sa që ka shfaqur gatishmëri për vazhdimin e kontratës në Paris Saint-Germain.
E përditshmja franceze “Le Parisien” raporton se përfaqësuesit e Neymarit kanë njoftuar klubin se ylli brazilian është i gatshëm të negociojë marrëveshjen e re në Parc des Princes, transmeton lajmi.net.
Neymar është aktualisht i lidhur me PSG-në deri më 2022 derisa së fundmi spekulohej me rikthim te Barcelona.
Rezultatet e fundit në Ligën e Kampionëve dhe dominimi në Ligue 1 duket se kanë bindur futbollistin të vazhdojë aventurën e tij në Francë.
