Prokuroria themelore Publike për përndjekje të krimit të organizuar dhe korrupsionit në kontinuitet vazhdon me hetimet lidhur me rastin “Mali”, thuhet në njoftimin e Prokurorisë për aksionin policor në Gërçec dhe Gazi Babë ku u arrestuan 21 persona, kurse disa gjenden në arrati. “Në kuadër të veprimeve që ndërmerren, verifikohen faktet në lëndë. Për momentin, është interes i hetimeve që të mos jepen më shumë informata për opinionin. Kur do të krijohen kushte, Prokuroria do të informojë për njohuritë dhe veprimet e ndërmarra për rrjedhën e mëtejme të procedurës penale”, thuhet në kumtesë.
Njëkohësisht, nga Prokuroria njoftojnë se për të gjithë të dyshuarit, që nuk u arrestuan gjatë aksionit dhe të cilët për momentin janë të pakapshëm për organet e rendit, është shpallur fletarrest ndërkombëtarë.
Maqedoni Prokuroria sjell informatat e fundit për aksionin policor në Gërçec dhe Gazi...