Sipas raportimeve të fundit të mediave italiane, Juventusi dhe mbrojtësi Gleison Bremer janë në diskutime për një rinovim të mundshëm të kontratës.
La Gazzetta dello Sport edhe Tuttomercato kanë raportuar se negociatat janë duke u zhvilluar mes rrethit të brazilianit dhe përfaqësuesve të Zonjës së Vjetër.
Bremer është tashmë i lidhur me Juventusin deri në verën e vitit 2027, por raportet e së premtes sugjerojnë se ekziston një dëshirë për ta zgjatur atë me një vit tjetër deri në vitin 2028 me afërsisht të njëjtat kushte me ato që fiton aktualisht braziliani.
Bremer do të marr pagë prej rreth 4 milionë euro plus bonuset.
26-vjeçari pati një sezon të parë të mirë në Allianz Stadium pasi arriti nga Torino për 50 milionë euro në verën e vitit 2022.
Bremer kërkohet edhe nga Tottenham në Ligën Premier, por lojtari nuk kishte asnjë qëllim të largohet nga Juventusi.
