Ish drejtorit të Byrosë për siguri publike, Mitko Çavkov i është përkeqësuar gjendja shëndetësore si pasojë e infektimit me Covid-19.
Siç bëri të ditur drejtori i Burgit të Shtipit, Miki Todorov për MIA, Çavkovi e ka kaluar natën në spitalin modular në Shtip, kurse gjatë ditës është dërguar në spitalin privat në Shkup.
Në spitalin privat, Çavkovi është dërguar me rekomandim të familjarëve dhe të infektologëve.
Deri më tani, në Burgun e Shtipit ka shtatë të infektuar me Covid-19. Siç njoftojnë shërbimet mjekësore të burgut, gjendja shëndetësore e të infektuarve është stabile./TV21
