Real Madrid fitoi një tjetër finale të Ligës së Kampionëve të mërkurën, duke e mposhtur Bayern Munichun me rezultat të përgjithshëm 4-3.
Los Blancos do të luajë kundër Borussia Dortmundit për titullin e 15-të të kampionit të Evropës dhe kjo ndeshje mund të jetë e fundit me fanellën e bardhë për dy simbolet e klubit me më shumë trofe në histori – Luka Modric (38 vjeç) dhe Toni Kroos (34 vjeç).
Modric fitoi pesë Liga të Kampionëve me Real Madridin, ndërsa gjermani ka një titull më pak dhe ende nuk dihet nëse dyshja do të qëndrojë apo do të largohet nga Madridi në verë.
Marca shkruan se gjithçka është gati për një takim mes Modric dhe Kroos me presidentin Florentino Perez në lidhje me zgjatjen e mundshme edhe për një sezon tjetër.
Në këtë kohë të vitit të kaluar, situata ishte identike, vetëm atëherë Modric dhe Kroos morën oferta të kënaqshme për të qëndruar në Madrid.
Deri më tani nuk ka oferta të tilla, por ka ende mjaft kohë. Kroos dhe Modric nuk janë lojtarët e vetëm të cilëve kontrata skadon më 30 qershor.
Lucas Vaszquez dhe Nacho gjithashtu nuk e dinë ende se cila do të jetë e ardhmja e tyre, të paktën jo zyrtarisht (ka spekulime se Vazquez mund të qëndrojë dhe Nacho mund të shkojë në MLS), dhe zyrtarët e Realit po analizojnë nga afër të gjitha situatat e mundshme.
Marca shkruan se kyç do të jetë takimi me Perezin, të cilin e ka paralajmëruar njeriu i parë i klubit dhe në atë takim Modric dhe Kroos do të mund të paraqesin propozimet e tyre.
E rëndësishme është fakti se Carlo Ancelotti ende beson te legjendat e klubit dhe e ka bërë të qartë se të dy do të qëndronin nëse do të pyetej.
Kroos ende nuk ka deklaruar dëshirat dhe synimet e tij për të ardhmen dhe Modric ka shpjeguar disa herë se do të dëshironte ta përfundonte karrierën në Real Madrid.
