Paul Pogba e ka humbur sezonin me Manchester United pas një lëndimi të marrë në ndeshjen ndaj Liverpoolit
Lajmin e bëri të ditur B/R Sport.
Mungesa e Pogbas do të ndihet shumë, veçanërisht nesër, në ndeshjen ndaj Arsenalit në kuadër të Premier League.
Ndeshja ndaj Liverpool mund të jetë e fundit për francezin me “Djajtë e Kuqë”, i cili pritet të largohet nga “Old Trafford” në fund të sezonit.
Kontrata e 28-vjeçarit skadon pikërisht në verën e këtij viti, me palët që nuk janë të interesuara për vazhdim të bashkëpunimit.
Futbollisti u transferua te Manchester United nga Juventusi për shumën e 105 milionë eurove në vitin 2016.
Gjatë kësaj kohe ai fitoi trofe si FA Cup dhe Europa League.
