Pas ndarjes nga Xhensila, Bes Kallaku në një lidhje të re dashurie me ish-konkurrenten e “Përputhen”?

Ndarja e humoristit të njohur Bes Kallaku nga këngëtarja Xhensila Myrtezaj ka qenë një nga ngjarjet më të përfolura në botën e showbizit shqiptar.

Së fundmi, zërat në rrjet kanë filluar të qarkullojnë me aludime se humoristi Bes Kallaku ka rigjetur dashurinë.

Protagoniste e këtyre aludimeve është Çiljeta Kormuzi, ish-konkurrentja e njohur e emisionit të dashurisë “Përputhen”.

Foto: Screenshot/Instagram

Fansat kanë vënë re një afërsi të shtuar ndërmjet dyshes, e cila ka nxitur spekulimet për një lidhje të mundshme.

Pikënisja e këtyre aludimeve duket të jenë disa foto në rrjetet sociale, ku Bes Kallaku dhe Çiljeta Kormuzi shfaqen në të njëjtat vende në Bruksel.

Foto: Screenshot/Instagram

Shtimi i dyshimeve për një romancë në zhvillim erdhi pasi Çiljeta u pa të merrte pjesë në një koncert të Besit në këtë shtet, gjë që shtoi akoma më shumë ujë në mullirin e thashethemeve.

Ndërkohë, ndjekësit në mediat sociale kanë shprehur bindjen e tyre se dyshja janë tashmë në një lidhje dhe nuk kanë ngurruar të lënë komente dhe urime për Kallakun dhe Kormuzin.

Megjithatë, asnjë nga të dy nuk ka konfirmuar zyrtarisht se gjërat janë ashtu siç flitet. /Telegrafi/