Agjencia për Mbrojtjen e të Dhënave Personale (AMDHP) sot ngriti padi penale në prokurorinë kompetente, bazuar në nenin 149 të Kodit Penal për shpërdorim të të dhënave personale, për publikim të paautorizuar të listave me titull Koronavirus-KOVID 19 për qytetarët e RMV-së, të cilëve u janë publikuar emrat, datat e lindjes dhe adresa e vendbanimit.
Siç konfirmuan nga AMDHP për MEDIAL, bëhet fjalë për listë që është shpërndarë në rrjetet sociale edhe për personat, të cilët me shumë siguri janë nga rajoni i Kumanovës.
