Lionel Messi ka hequr dorë nga opsionet që kishte përpara se të bashkohej me Inter Miami, duke përfshirë një lëvizje të bujshme në Superligën e Arabisë Saudite.
Messi u largua nga Paris Saint-Germain gjatë verës për të nënshkruar me Inter Miami të David Beckham gjatë verës, ku ai i ndihmoi ata të frymëzoheshin për fitimin e trofeut të parë në histori.
Megjithatë, tetë herë fituesi i “Topit të Artë”, i kurorëzuar së fundmi , kishte shumë opsione në tryezë përpara se të zgjidhte transferimin në MLS.
Duke folur në një intervistë për TIME, Messi zbuloi se mendonte të rikthehej në ish-klubin e tij Barcelona, si dhe t’i bashkohej rivalit afatgjatë Cristiano Ronaldo në Arabinë Saudite.
Megjithatë, fituesi i Kupës së Botës pohoi se kampionati saudit nuk është ende “një ligë e rëndësishme”, por ka “fuqinë” për t’u bërë “në të ardhmen e afërt”.
“E vërteta është se për fat të mirë, unë kisha disa opsione në tryezë që ishin interesante, dhe më duhej t’i analizoja dhe t’i mendoja, madje t’i peshoja me familjen time, përpara se të merrja vendimin përfundimtar për të ardhur në Miami”.
