Klubi “Universiteti i Tetovës”, që garon në elitën e volejbollit, ka filluar me përgatitjet për pjesën dytë të kampionatit që pritet të fillon me 22 shkurt. Ekipi krahas seancave të rregullta stërvitore ka paraparë të zhvillon edhe së paku dy ndeshje kontrolluese me ekipin e Ferizajt nga Kosova dhe Erzenin e Shqipërisë.
“Kemi filluar përgatitjet nga 15 janari dhe vlerësoj se deri në fund e këtij muaji dhe në fillim të shkurtit ne do të përgatitemi maksimalisht dhe se do të jemi të gatshëm që t’iu bëjmë ballë ekipeve kundërshtare”, deklaroi Hamza Veseli, kapiten i KV UT-së.
Ekipi i studentëve të Universitetit të Tetovës, në pjesë dytë të kampionatit do të jetë dukshëm i përforcuar.
“Transferi më i njohur tash në ekipin tonë u soll kolumbiani Ivan Mina i cili vjen nga radhët e Alfaisalyt një ekipi nga Arabia Saudite. Dhe përforcim tjetër lojtari Marko Stoshiq i cili vjenë nga një ekip i Francës po ashtu edhe dy reprezentues të cilët kanë garuar këtu. Njëri në Vardar e tjetri ishte lojtari i lire”, tha ai
Pra, ekipi krahas Ivan Andres Hurtado Mina, Ivan Stoshiqit ka sjellë edhe Adriatik Berishën nga Partizani i Tiranës, Riste Klopçevskin dhe Darko Angelovskin. Mirëpo si duket këtu nuk e kanë dhënë edhe fjalën e fundit drejtuesit e KV Universiteti i Tetovës, pasi ata kanë paralajmëruar edhe një tjetër reprezentues, i cili do të prezantohej ditëve në vijim./shaban sinani/
