Kryeministri i Kosovës, Albin Kurti sot do të qëndrojë për vizitë në Shkup e Tetovë, ku do të realizojë takim me përfaqësuesit e Komunës së Tetovës dhe Çairit.
Për ta pritur kryeministrin Kurti qytetarët kanë nis të tubohen para Memorialit të UÇK-së, tek Shqiponja në Komunën e Çairit ku është paraparë të inaugurohet një rrugë me emrin e veprimtarit Adem Demaçi.
Gazeta LAJM, ka intervistuar një qytetare e cila tha se ka ardhur nga Suedia në Shkup për ta takuar kryeministrin Kurti.
“Politikan si Albin Kurti lindin në 100 vjet. Gjithë familja mbështesim politikat e Albin Kurtit. Do të doja që të ketë politikan të tillë edhe në Maqedoninë e Veriut, ku shqiptarët akoma diskriminohen”, tha mes tjerash kjo qytetare.
Pas përfundimit të vizitës në Shkup, Kurti do të qendrojë në Tetovë, ku do të pritet nga kryetari i komunës Bilall Kasami./Gazeta LAJM
