Kërkesat e Mohamed Salah për pagë te Liverpoolit do ta bëjnë egjiptianin lojtarin e tretë me të ardhurat më të mëdha në Ligën Premier.
Salah shënoi një gol të mrekullueshëm në ndeshjen e së dielës ndaj Manchester City, të cilin trajneri Jurgen Klopp tha se ishte e nivelit të lartë botëror.
Por, goli i anësorit në minutën e 75 nuk ishte i mjaftueshëm, me Kevin De Bruyne që shpëtoi një pikë për Cityn pesë minuta më vonë.
Sipas The Independent, Salah aktualisht kërkon pagë midis 300,000 dhe 380,000 funte në javë nëse do të nënshkruajë një marrëveshje të re në klub.
Nëse Liverpooli i ofron egjiptianit një pagë të këtyre shifrave, atëherë vetëm Cristiano Ronaldo dhe Kevin De Bruyne i Manchester City do të fitonin më shumë se ai në Ligën Premier.
Ndërkohë, Klopp kohët e fundit tha se nuk ka “asgjë për të thënë” për të ardhmen e Salah në Anfield, me kontratën e tij aktuale që skadon në vitin 2023.
