Numër gjithnjë e më i madh i njerëzve janë infektuar me koronavirusin e ri në selinë e KOmbeve të Bashkuara në Vjenë.
Shërbimi shëndetësor në selinë e KB-së në Vjenë kumtoi se janë zbuluar pesë raste të reja të infektimit me virus.
Bëhet fjalë për tre persona të cilët punojnë në Agjencinë ndërkombëtare për energji bërthamore (ANEB), një në Zyren e KB-së për drogë dhe krim (UNODC), si dhe një person në Organizatën për zhvillim industrial të KB-së (UNIDO).
“Numri i përgjithshëm i njerëzve të punësuar në selinë e KB-së në Vjenë, të cilët ishin pozitivisht të testuar me koronavirus është 43”, kumtuan autoritetet shëndetësore.
Shtohet se 36 të testuar pozitivë ndërkohë janë shëruar.