Gostivar, 7 mars – Vetëqeverisja Lokale dhe disa institucione arsimore në rajonin e Gostivarit e shënuan 7 Marsin – Ditën e Mësuesit.
Kryetari i Gostivarit Arben Taravari ka pritur në një drekë të përbashkët pensionistët punonjës arsimorë të cilët kanë ligjëruar në gjuhën shqipe.
Ai para mësuesve të pensionuar u shprehu falënderim për angazhimin e tyre në edukimin e shumë brezave, duke i quajtur senatorë të diturisë në këtë qytet.
“Privilegj dhe lumturi ta kaloj 7 Marsin me ju, ditën e secilit që e mban këtë titull nderi”, tha Taravari.
Në SHF “Ismail Qemali”, me rastin e festës u hap ekspozita grupore e veprave artistike të nxënësve nga të gjitha dhjetë shkollat komunale të cilët morën pjesë në konkursin që e organizoi Komuna e Gostivarit. Tre më të mirëve iu ndanë diploma dhe çmime në të holla.