Ndërron jetë edhe personi i tretë nga aksidenti në Lupç të Poshtëm

Ka vdekur edhe personi i tretë nga aksidenti i djeshëm që ndodhi në magjistralen Prishtinë-Podujevë, konkretisht në fshatin Lupç të Poshtëm.

Lajmin e ka konfirmuar për Klankosova.tv zëdhënësja e Prokurorisë Themelore të Prishtinës Laureta Ulaj.

“Prokurorja e rastit është informuar se edhe personi i tretë ka vdekur diku pas orës 00:00. Të tre viktimat janë të gjinisë mashkullore. Me urdhër të prokurores, viktimat janë dërguar për obduksion”.

Të dielën si pasojë e këtij aksidenti vdiqën dy persona dhe u lënduan edhe nëntë të tjerë, njofton Klan Kosova.