Ekipi I gazetarëve të redaksisë së Laboratorit Hulumtues të Reporterëve – IRL fituan cmimin “Nikola Mladenov 2020” për storjen më të mirë hulumtuese lidhur me serinë e teksteve me temë “Profitimi pandemik – ana tjetër e rrëfimit për COVID-19”.
Cmimin për fotoreportere më të mirë e fitoi fotoreporterja Arbnora Memeti për fotografinë me temë “Dy pata kalojnë rrugën në vendkalimin e këmbësorëve gjatë orës policore” të publikuar në “Sloboden Peçat”.
Cmimi për prodhim më të mirë inovativ gazetaresk iu nda gazetarit Aleksandar Manasiev për storjen multimediale “Vrasësit e heshtur të Ballkanit” që përpunon temën e ndikimit të termocentraleve ndaj ambientit jetësor, të publikuar në platformën e internetit “Vidi Vaka”.
Cmimet tradicionalisht ndahen për të 20-tën herë më radhë, si pjesë e angazhimeve të Institutit maqedonas të mediave për përparimin e gazetarisë profesionale dhe të vlerave demokratike të vendit. /KlanMacedonia
