Napoli ka shënuar fitore ndaj Torinos me rezultat 3-1 në kuadër të javës së tetë të Serie A, duke vazhduar si lider në kampionat.
Pjesa e parë mes këtyre dy skuadrave doli të jetë e zjarrtë, pasi u shënuan të gjitha golat.
Mesfushori Andre Anguissa ishte në top formë, duke shënuar dy herë në start.
Fillimisht ai shënoi në minutën e 6-të pas asistimit të Mario Ruit, ndërsa në minutën e 12-të shtoi epërsinë në 2-0 pas asistimit të Matteo Politanos.
Sensacioni i Serie A, Khvicha Kvaratskhelia, shënoi edhe në këtë takim në minutën e 37-të për 3-0.
Krejt çka bën mysafirët ishte një gol me Antonio Sanabria në minutën e 44-të.
Amir Rrahmani luajti në këtë ndeshje plot 90-të minuta, duke qenë prej më të mirëve në fushë.
Mërgim Vojvoda mungoi te Torino shkaku i lëndimit, ndërsa Etrit Berisha ishte në bankën rezervë.
Napoli ka 20 pikë, tre më shumë së Atalanta dhe katër më shumë se Udinese.
