Një pjesë të madhe të shkollat ende nuk kanë tekste shkollore, por Ministri i Arsimit dhe Shkencës, Jeton Shaqiri, ashtu si edhe ditë më parë, edhe sot pohoi se tekstet shkollore janë shtypur, se dërgesa është në vazhdim e sipër dhe nëse ka nevojë do të bëhet edhe gjatë fundjavës. Duke folur konkretisht për librat e klasës së gjashtë, Shaqiri tha se shtypja e librave po vazhdon dhe se ka kërkuar nga operatori ekonomik, që çdo gjë që është shtypur deri në këtë moment, deri nesër a pasnesër, të dorëzohet tek të gjitha shkollat.
“Librat e klasës së gjashtë nuk ka, do të përsëritëm disa herë, për shkak se procedurat për aprovim, është thënë në mënyrë transparente, siç ka përfunduar në Komisionin nacional për disa libra, para 10 ditësh ose 7, janë dorëzuar të rregulluara në aspektin grafik-teknik, ka korrigjime, por sipas informacioneve që i kam tani dhe sot që vazhdimisht komunikoj me operatorin ekonomik, po vazhdon shtypja e librave, por në disa qytete ku operatori ekonomik është më afër, ka dorëzime por kam kërkuar nga operatori ekonomik, çdo gjë që është shtypur deri në këtë moment, deri nesër a pasnesër, të dorëzohet tek të gjitha shkollat.”- deklaroi Jeton Shaqiri, MASH.
