Në një ambient magjik, të dekoruar me elemente vezulluese dhe atmosferë romantike, Kida i ka bërë një dedikim emocionues bashkëshortit të saj.
Sipas pamjeve të publikuara nga “Prive by Liberta Spahiu”, artistja i ka rezervuar Ajbit një surprizë të veçantë gjatë mbrëmjes. Ajo ka zgjedhur t’i kushtojë një këngë, duke e ftuar më pas të kërcejë me të në pistën e vallëzimit.
“Ajb e kam një surprizë për ty, të ftoj të kërcesh me mua”, i tha Kida, më pas pasuan ovacione dhe reagime të shumta nga të ftuarit.
Momenti u shoqërua me duartrokitje dhe brohoritje nga të pranishmit, të cilët po festonin bashkë me çiftin nisjen e një kapitulli të ri në jetën e tyre.
Foto: Yll Limani / Instagram
Në video dëgjohen edhe disa sekuenca nga kënga që artistja i kushtoi partnerit të saj, duke e bërë këtë një prej momenteve më romantike të mbrëmjes.
Foto: Shkurte Gashi / Instagram
roar-assets-auto.rbl.ms
roar-assets-auto.rbl.ms
