Jara e vogël pesëvjeçare, me mjekët e saj: (nga e djathta) Ph.D. Ahmed Shawky, kryemjek për kirurgji të shpinës, Dr. med. Ali Ezzati, kryemjek i kirurgjisë së shtyllës kurrizore dhe Prof. med. Rüdiger Gerlach, kryemjek i neurokirurgjisë
Një kënaqësi e gëzim i madh është vërejtur te vogëlushja shqiptare Jara, gjatë muajve të fundit, jo vetëm nga ndihma e madhe e shumë njerëzve të panjohur që i ndihmuan, por edhe nga ndihma e mjekëve nga Klinika Helios në Erfurt të Gjermanisë.
Jara pesëvjeçare vjen nga Kosova dhe ka pasur një shpinë të deformuar që nga lindja. Në vendin e saj, ka mungesë të ekspertizës mjekësore për të trajtuar me sukses vajzën. Falë një fushate të madhe për mbledhjen e fondeve të nisur nga prindërit e saj, Klinika Helios në Erfurt në krye ne Dr. med. Ali Ezzati, kirurg kryesor për kurriz, e ka marr përsipër me sukses këtë veprim të rëndë, shkruajnë mediat gjermane, përcjell Shtegu.com.
“Jara është një fëmijë me mendje të mprehtë, të guximshme dhe të gëzuar. Është e vështirë të besosh që ajo ka kaluar një kohë të pafundme nëpër spitale që në moshën pesëvjeçare”, tha të mërkurën një zëdhënës i spitalit
Jarës i është dashur të jetojë tërë jetën e shtruar, pasi një korrigjim nuk ishte i mundur në Kosovë. Prindërit e saj nuk donin ta pranonin këtë dhe filluan mbledhjen e fondeve në mënyrë që fëmija i tyre të trajtohej jashtë vendit, informon Shtegu.com.
Ata mbledhën para për dy vite me radhë, gjetën dhurues te njerëz krejt të panjohur që donin të ndihmonin fëmijën e tyre dhe e bënë atë.
Ajo që askush nuk e priste: Pesëvjeçarja kishte një handikap tjetër. Vetëm gjatë një ekzaminimi në Erfurt u bë e dukshme pika e hapur në palcën kurrizore të vogëlushes. Korrigjimi aktual duhej të shtyhej dhe fistula të hiqej.
Në një takim të dytë, më në fund u krye korrigjimi i shumëpritur i shtyllës kurrizore. Paratë e dhurimit për dy operacione nuk do të kishin mjaftuar, por dy mjekët kryesorë në kirurgjinë neurokirurgjike dhe të shpinës, i hoqën tarifat për të ndihmuar më në fund vajzën e vogël.
Disa javë pas kësaj ndërhyrje, familja e lehtësuar u kthye në spital për një kontroll të fundit. Dhe Jara e vogël mund të shëtiste nëpër sallë, e lumturdhe duke ecur drejtë. Më në fund, koha e gjatë e agonisë ka përfunduar për të dhe familjen e saj!
