Kryetari i Këshillit Evropian, Sharl Mishell, në pres konferencën e sotme në Bruksel informoi se Samiti BE-Ballkani Perëndimor që duhej të mbahej në maj nuk anulohet.
“Ne planifikojmë javët e ardhshme ta mbajmë samitin në formën e një video-konference, pas konsultimeve me presidencën kroate, për ta inkurajuar bashkëpunimin me rajonin,” tha Mishel.
Mishel theksoi se nuk ka asnjë problem në shtyrjen e zgjedhjeve parlamentare në Maqedoninë e Veriut për shkak të pandemisë, por dërgoi një mesazh për qeveritë në rajon që kriza shëndetësore nuk duhet t’i ngadalësojë ose t’i ndalojë përpjekjet e reformës së nevojshme për anëtarësimin në BE.
Kryetari i Këshillit Evropian sqaroi se shtyrja e cikleve zgjedhore të planifikuara në Maqedoninë e Veriut ose kudo tjetër është një vendim i justifikuar duke i pasur parasysh rreziqet sanitare.
I pyetur në lidhje me masat shtrënguese dhe karantinën në disa vende të rajonit, të cilat janë kritikuar nga ana e shoqërisë civile, kryetari i i Këshillit Evropian nuk dha një përgjigje të drejtpërdrejtë, por kujtoi se rregullat e BE-së për sundimin e ligjit vazhdojnë të zbatohen për aq kohë sa vazhdon kriza, veçanërisht për Maqedoninë e Veriut dhe Shqipërinë, të cilat do t’i fillojnë së shpejti bisedimet për anëtarësim në BE.
“Mesazhi i fortë, i qartë dhe i paqartë politik që ne po e dërgojmë është preokupimi ynë me pushtetin e së drejtës dhe respektimin e parimit të lirive, kjo është një pjesë e rëndësishme e veprimit tonë në këtë rajon”, deklaroi Mishel, duke shtuar se BE-ja është e angazhuar për ta ndihmuar rajonin ekonomikisht për ta tejkaluar këtë krizë.
Kryetari i i Këshillit Evropian tha se ai para sa kohëve kishte biseduar me presidentin e Maqedonisë, Stevo Pendarovski, për vendimin për shtyrjen e zgjedhjeve dhe beson se duke e pasur mbështetjen e të gjitha partive politike për këtë shtyrje, kjo nuk është një problem demokratik. /MIA/
