Haxhi Robin Krasniqi ka ardhur në vizitë në Kosovë, pas triumfit të tij të jashtëzakonshëm.
Robin Krasniqi fitonte duelin kundër boksierit gjerman, Bosel, për të fituar titullin e kampionit të botës në kategorinë gjysmë të mesme.
Pas këtij suksesi, Krasniqi sot ka vizituar edhe MKRS-në, ku aty u prit nga ministrja Vlora Dumoshi.
“Është sakrificë 15 vjeçare. Kishte gëzime. Kishte hidhërime. Por, është ëndërr e madhe e arritur që të gëzoja veten dhe shtetin tim me titullin”, ka thënë Krasniqi në takimin me ministren.
“Unë kam ndjerë emocionet e të gjithë shqiptarëve. Asnjëherë nuk ndihesha vet”, tha mes tjerash boksieri me prejardhje nga Juniku.
Në anën tjetër, Dumoshi përgëzoi Krasniqin për rrugëtimin e tij si dhe e falënderoi atë për vizitën e sotshme.
Ajo gjithashtu e njoftoi boksierin me planin e MKRS për zhvillimin e sportit.
Krasniqi do të flas sot para gazetarëve në një konferencë për shtyp, me fillim nga ora 23:00.