Surpriza, debate dhe emocione pa fund kishte ‘Për’puthen Prime’ këtë të shtunë.
Dy konkurrentët, Bruno dhe Florjana vendosën që t’i japin fund rrugëtimit të tyre në ‘Për’puthen’, shkruan lajmi.net.
Ata u larguan si çift, pasi prej disa javësh ishin deklaruar për njëri-tjetrin dhe tashmë kanë vendosur ta vijojnë lidhjen e tyre larg kamerave.
Para së të largoheshin, ishte Bruno ai që i bëri një surprizë të bukur Florjanës, e cila la pa fjalë të gjithë. Ai e çoi në një ambient romantik të zbukuruar me drita dhe lule. Aty u shfaq një video që përmblidhte gjithë ecurinë e tyre në ‘Për’puthen’; njohjen, takimet, debatet nga fillimi dhe deri tani.
Çifti po ashtu shkëmbyen edhe puthjen e parë në buzë, e cila u ishte kërkuar disa herë me ngulm nga konkurrentët e tjerë. /Lajmi.net/