Diego Armando Maradona u shua të mërkurën më 25 nëntor, duke tronditur mbarë botën. Pas vdekjes së papritur janë hedhur një sërë akuzash në drejtim të stafit mjekësor. Së fundmi, mediat e huaja shkruajnë se ikona e futbollit argjentinas nuk pati një vdekje për shkaqe natyrale, duke nënkuptuar se ai i vra.
Këto deklarata u përforcuan më shumë edhe pas dëshmisë së infermieres së turnit në shtëpinë e yllit, e cila gënjeu mbi raportin e 60-vjeçarit.
Raportohet se shefat e shëndetësisë u thanë mjekëve të parë që arritën në shtëpinë e Maradonës: “Thirrni prokurorët dhe policinë. Ne nuk duam një rast tjetër të Garcia Belsunce”. Ata me sa duket i referoheshin vrasjes së pazgjidhur të sociologes argjentinase Maria Marta, vdekja e së cilës fillimisht u trajtua si një aksident, kur trupi i saj u gjet në një banjë.
Në Argjentinë kanë nisur hetimet për të konstatuar nëse Diego Maradona u vra apo ai vdiq nga një sulm në zemër, siç u raportua.
Kujtojmë që Maradona iu nënshtrua një operacioni në tru për të trajtuar mpiksjen e gjakut rreth dy javë para se të vdiste. Ai u nxor nga spitali 8 ditë pas operacionit dhe u dërgua në shtëpinë e tij në Buenos Aires për të vazhduar me procesin e shërimit.
Një spital privat në Argjentinë ishte kontraktuar për t’u kujdesur për Diego Maradona, por për fat të keq legjenda e futbollit nuk ja doli.
