Maqedoni, papunësia në tremujorin e fundit të vitit të kaluar është 14 për qind
Enti Shtetëror për Statistika njoftoi se sipas të dhënave, shkalla e papunësisë në tremujorin e katërt të vitit 2022 është 14 për qind.
Sipas ESHS-së. shkalla e aktivitetit në këtë periudhë është 54.9, ndërsa shkalla e punësimit është 47.2
Në tremujorin e katërt të vitit 2022, popullsia aktive në Republikën e Maqedonisë së Veriut ishte 802.280 persona, nga të cilët 690.053 janë të punësuar, ndërsa 112.227 janë të papunë.
Enti Shtetëror i Statistikave po ashtu njoftoi se prodhimi industrial në janar të këtij viti krahasuar me të njëjtin muaj të vitit të kaluar shënoi rënie prej 2.3 për qind.
