Fabrizio Romano ka dhënë një përditësim thelbësor pasi spekulimet vazhdojnë të qarkullojnë rreth të ardhmes së Erik ten Hag në Manchester United.
Trajneri holandez ka qenë nën një vëzhgim intensiv pas një ecurie të dobët të rezultateve. Javën e kaluar, 53-vjeçari u tha se ishte në ‘dush të ftohtë’ te United, sipas një raportimi nga The Times.
Me klubin që bën fillimin më të keq të një sezoni në 61 vjet, një numër emrash ishin caktuar si zëvendësues të mundshëm, duke përfshirë ish-trajnerin e Real Madridit, Zinedine Zidane.
Trajneri shumë i vlerësuar i Sporting Lisbonës, Ruben Amorim, është gjithashtu në një listë të ngushtë pas humbjeve të rënda radhazi ndaj Manchester Cityt dhe Newcastles.
Por, këto lidhje janë hedhur poshtë që atëherë nga gazetari Fabrizio Romano, i cili zbuloi detaje në kanalin e tij në YouTube, The United Stand.
Pasi u pyet për situatën, Romano tha: “Unë i pashë të gjitha këto raportime dhe thashetheme rreth Erik ten Hag dhe të ardhmes së tij, por nga sa po dëgjoj, realiteti është se nga brenda, ata nuk e konsideruan kurrë mundësinë e shkarkimit të Erik ten Hag”.
Ai shtoi: “Manchester United nuk ka qenë kurrë në kontakt me Zinedine Zidane dhe Ruben Amorim”.
Manchester United shpejt i hodhi poshtë raportimet javën e kaluar, duke thënë se ishte “kategorikisht e rreme” që ata kishin eksploruar alternativa për Ten Hag.
