Bruno Fernandes do të vazhdojë edhe më tej te Manchester United.
‘Djajtë e Kuq’ e shohin Fernandes si një lojtar kyç për të ardhmen e tyre, andaj i kanë ofruar rinovimin e kontratës.
Kontrata e tij aktuale i përfundon në qershor të vitit 2025, por United duan ta sigurojnë lojtarin për një kohë edhe më të gjatë.
Portugezi dhe ekipi janë afër marrëveshjes, për rinovimin e kontratës, transmeton lajmi.net.
Sipas gazetarit italian, Fabrizio Romano, marrëveshja tani është në fazën përfundimtare pas hapjes së bisedimeve korrikun e vitit të kaluar.
Fernandes në 27 paraqitje këtë sezon, ka shënuar nëntë gola dhe ka dhuruar gjashtë asistime.
