Liverpooli ka zbuluar fanellën e re të parë për sezonin 2024/25, të cilën tifozët tani mund ta porosisin para publikimit të saj zyrtar.
Me përfundimin e sezonit aktual, vëmendja tashmë ka filluar të kthehet në Merseyside për sezonin e ardhshëm dhe jetën pas Jurgen Klopp, i cili do të largohet.
Sot (e enjte), klubi i Ligës Premier dha një paraqitje të parë të fanellës së tyre për sezonin e ardhshëm, i cili është përshkruar nga klubi si një “përsëritje e freskët e modelit dhe printimit legjendar nga 1984”.
Fanella përmban një jakë me detaje tradicionale të verdha dhe të kuqe, e ngjashme me fanellën e veshur nga skuadra e Liverpoolit ’84 e drejtuar nga Joe Fagan, i cili ngriti Kupën Evropiane në Romë atë vit.
Si fanella ashtu edhe pantallonat e shkurtra kanë një gjysmë shirit me të verdhë dhe të bardhë.
Emri i klubit dhe stili i numrave për pjesën e pasme të fanellës merr frymëzim nga qyteti, me një pamje bashkëkohore të tabelave historike të rrugëve të Liverpoolit.
Fanella është prodhuar në mënyrë të qëndrueshme nga Nike me pëlhurë poliestër 100 për qind të ricikluar nga shishet plastike të ricikluara.
Kjo fanellë është e disponueshme për t’u porositur paraprakisht tani përmes faqes së internetit të Nike, ku versioni standard për meshkuj të rritur kushton 84,95 funte apo 100 euro, ndërsa për fëmijë kushton 64,95 funte apo rreth 76 euro.
Skuadra e meshkujve të Liverpoolit pritet të luajë me fanellën e re për herë të parë kur të përballet me Ëolves në ndeshjen e tyre të fundit të sezonit të Ligës Premier më 19 maj. /Telegrafi/
