Autorja shqiptare me famë ndërkombëtare, Lea Ypi, do të takohet me publikun në Shkup më 24 gusht 2026, në orën 19:00, në hapësirat e Laboratoriumit, transmeton Portalb.mk.
Gjatë kësaj mbrëmjeje, Ypit do t’i ndahet çmimi “BookStar 2026” për librin e saj “Të lirë” (“Free”), një vepër në të cilën autorja flet hapur dhe pa frikë për lirinë, shoqërinë dhe përvojën e rritjes në një periudhë ndryshimesh të mëdha historike.
Pas ndarjes së çmimit do të zhvillohet një bashkëbisedim i drejtpërdrejtë me autoren, ku publiku do të ketë mundësi të dëgjojë më shumë për librin, përvojën e saj personale dhe temat që trajton në krijimtarinë e saj. Biseda do të moderohet nga Kalina Maleska.
Ngjarja organizohet si aktivitet paraprak i Festivalit të Letërsisë Evropiane BookStar, jashtë programit të zakonshëm të festivalit. Nën moton “FREE AT LEAST!”, ky takim do të shënojë edhe fillimin e muajit të aktiviteteve të BookStar.
Edicioni i 12-të i festivalit BookStar 2026 do të mbahet nga 28 deri më 30 shtator.
