Los Angeles Lakers e filluan keq sezonin e ri në NBA.
Skuadra kampione u mposht nga rivali i qytetit Los Angeles Clippers me rezultat 116-109 në ballafaqimin e xhiros së parë të sezonit të rregullt në NBA, transmeton lajmi.net.
Paul George ishte fantastic tek Clippers duke e mbyllur ndeshjen me 33 pikë e gjashtë kërcime.
Kawhi Leonard shtoi 26 pikë duke ofruar mbështetje të madhe në fazën e sulmit.
LeBron James ishte basketbollisti më i dalluar tek Lakers me 22 pikë. Përforcimi i ri, Dennis Schroder e mbylli takimin me 14 pikë e tetë kërcime.
Në ndeshjen tjetër, Brooklyn Nets shënoi fitore ndaj Golden State Warriors me rezultat të thellë 125-99.