Kryeministri i Republikës së Kosovës, Albin Kurti, e ka konfirmuar sot se në Mynih të Gjermanisë nuk është takuar me ambasadorin dhe Përfaqësuesin Special të Trump për dialogun Kosovë-Serbi, Richard Grenell.
Një gjë të tillë lideri i VV’së e ka thënë në një intervistë për ‘indeksonline’.
“Nuk kam pasur kësaj radhe takim me ambasadorin Grenell këtu. Këtu kam takime bilaterale të aranzhuara më herët. Por jam në kontakt me Grenell, të cilin përndryshe e kam takuar dy herë më herët”, ka thënë Kurti.
Kreu i qeverisë ka folur edhe për letrën e predisentit Macron dhe kërkesën e këtij të fundit për heqje të taksës, duke thënë se vendimin e tarifës 100 % do të heqin sapo të rivendoset masa e reciprocitetit.
Gazeta Express sot ka raportuar se emisari i Trump, Richard Grenell, dhe Sekretari Amerikan i Shtetit, Mike Pompeo, nuk e kanë takuar Albin Kuritn në Mynih për shkak të qëndrimeve të këtij të fundit rreth taksës e reciprocitetit./GazetaExpress/
