Dialogu me Bullgarinë duhet të bazohet në vlerat evropiane, respekt dhe bisedë dinjitoze, tha sot kryeministri Dimitar Kovaçevski, duke theksuar se ndonëse shpeshherë diskutimin mund ta marrin përsipër nacionalistët, qeveritë e dy vendeve, të cilat janë të orientuara drejt Evropës, kanë detyrimin të imponojnë një narrativë që do të jetë pozitive dhe e orientuar drejt së ardhmes, e cila do të mundësojë fillimin e negociatave ndërmjet Maqedonisë së Veriut me BE-në.
Duke folur për procesin e integrimit të vendit në BE, kryeministri Kovaçevski në Forumin me rastin e 100 ditëve të mandatit të qeverisë së tij, tha se si shtet në tridhjetë vitet e fundit kemi bërë shumë dhe kemi hequr dorë nga shumë, gjithçka për të përmbushin kriteret e anëtarësimit në BE, gjë që konfirmohet nga katër raportet pozitive të KE për vendin.
Mbështetja që marrim vazhdimisht nga Gjermania, Franca, SHBA-ja dhe të gjitha vendet anëtare të BE-së është e rëndësishme, por anëtarësimi varet nga konsensusi. Fatkeqësisht, ne kemi një sfidë me një shtet fqinj, për shkak të vetos që qeveria e fundit bullgare e vendosi në fillimin e konferencës së parë ndërqeveritare për Maqedoninë e Veriut”, tha Kovaçevski.
Sipas Kovaçevskit, suksesi i dialogut të nisur me Bullgarinë dhe suksesi i zgjidhjes së qëndrueshme mund të arrihet vetëm në bazë të dialogut, i cili bazohet në vlerat evropiane, por edhe në parimet e respektit ndërmjet institucioneve dhe qytetarëve dhe parimit të dinjiteti, ku të dyja palët duhet të ruajnë dhe ushqejnë dinjitetin e qytetarëve të të dy vendeve.
“Kështu dialogu do të jetë pozitiv dhe me rezultat që do të krijojë bazën për ndërtimin e marrëdhënieve të shkëlqyera në të ardhmen mes dy vendeve fqinje që po ecin përpara si anëtarë të BE-së”, tha Kovaçevski.